السلام عليكم متابعي موسوعة الطبخ لقسم أم سهى اليوم حضرت فطيرة محشية مع وصفة ناجحة جربتها مرتين ونتيجة رووعة يعني طريقة ناجحة وصفة مضمونة
أولا درت كأس حليب دافي مع باط ياغورت طبيعي و مغرفة صغيرة خميرة مطلوع وشوية خمييرة كميائية و مغرفة سكر كبيرة وملح وحبة بيض تخلطيهم مليح مليح وتخليهم يخمرو شوية من بعد زيديلهم ربع كاس زيت تخلطيهم مليح مليح وتبداي تزيدي الفرينة غير بشوي تتحصلي على عجينة خليها طرية شوي مش يابسة من بعد غطيها بكيس بلاستيكي و خليها ترتاج حوالي نصف ساعة
من جهة تحضري الحشو نتاعك
الحشو إختياري أنا درت فلفل وطماطم مشويين وقطعتهم وطيبتهم مع ثوم مشوي وزيت وملح أيضا وكي طابو قطعت فيهم شوي جاج
تخلي الحشو نتاعك نيبرد شوية وباه تستخدميه
من جهة تحكمي لعجينة نتاعك تقسميها على 2 تفرشي شوي فرينة وتقرصي قرصة أكبر من لبلاطو لي عندك باه تخرجي عجينة على بر
تدهني لبلاطو نتاعك بزبدة مليح مليح وتحاولي تحطي القرصة نتاعك وتثقبيها بفرشيطة ومن بعد تحطي الحشو نتاعك وترابي عليه لفرماج ومن بعد تزيدي تطرحي القرصة وتحطيها فوق الحشو وتحاولي تسكري لحواشي مليح وتثقبيها ومن بعد ديري لبيض وسينوج وتحطيها طيب
على درجة حرارة 300
على فكرة هذي العجينة تصلح لي سوفلي
كيما راكم تشوفو في صور
شهية طيبة متابعي الأعزاء نتمنى تنجحو فيها وأي إستفسار أتركو تعاليقكم
أم سهى😘😘😘😘
0 التعليقات :
إرسال تعليق