نصائح وأفكار جد سهلا

صباح الخير عليكم متابعي موسوعة الطبخ لقسم نصائح أم سهى  :
اليوم حبيت نطرقلكم لبعض النصائح سهل بزاف مي تنفعكم بربي ان شا الله
1-كيم تكوني رايحة تقسري التوم حطي السنينات في الما خمس دقايق ومن بعد قسريه تتنحالك القشرة بكل سهولة.
2-كيم تكوني تقطعي في البصل ماتخافيش ماتزيديش دمعي وعينيك يتنفخو منو أنا نقولك كيفاش أمضغي الشوينڨوم فلوريدا تاع النعناع كيم تكوني تقطعي لبصل مايدمعوش عينيك خلاص.
3-كيم تكوني تقلي في البصل ديري معاه دايما شوي سكر رايحة تتكرمل البصل ويمد ينة هايلة للماكلة واللي ياكل منها أكيد تعجبه.
4-كيم تخدمي الكيك ولا القاطو دايما كيم تحكي الزبدة ديري معاها رشة ملح رايحة تخرج البنة اللي كاينة فالمكونات وتمد بنة خاصة للقاطو تاعك.
5-كيم تقطعي دمي القاطو باش يشدلك مدة مليحة بلا مايفسد ويجيك خفيف وهشيش زيديله مغرف خل وشوي بيكاربونات راهم خير من الحافظات الإصطناعية.
6-كيم تشوي الفلفل ولا الطماطم باش نقشريهم بسهولة بعد ما تشويهم حطيهم في ساشي ولا پوغط مونجي وخليهم حتى يوليو دافيين ومن بعد قشريهم رايحة تتنحالك القشرة بكل سهولة.
7-كيم تكوني رايحة طيبي باللحم ولا بلا لحم داوي برمتك بتوابل الشوا رايحين يمدو بنة هايلة للطياب تاعك وحتى لو كان بلا لحم راح تجي هايلة.
8- كيم تكوني رايحة طيبي اللحم ويكون شارف ديري معاه لعظم تاع التمر في شاش وارميهم في البرمة تاعك!!!!إييييه ماتتخلعيش إييييه يزرب طيابه ويطيبلك زبدة وزيد حبيت منافع عظيمة للجسم تاعنا.
9-دايما أختي لعزيزة كيم تقلي البصل ديري معاه سنة ولا زوج توم باش يكملك بنة البصل ويزيد من الفايدة الصحية لطيابك.
أم سهى😍😍😘😘

مشاركة

عننا Unknown