10 وصفات صابلي مجربة بمقادير بسيطة لأم وليد

10 وصفات صابلي مجربة بمقادير بسيطة لأم وليد

صابلي النجمة بذوق الكرامال 

المقادير:

• 250غ مارغرين طرية
• 3/4 كأس سكر ناعم
• 50غ فلان كرامال
• 1 م ك نيسكافيه
• 1 كأس شاي زيت
• 1 بيض
• 3 م ك مكسرات محمصين و مطحونين
• رشة خميرة الحلويات
• فرينة
• مربى و شوكولا للتزيين

طريقة التحضير:

 

نخلط المارغرين مع القهوة و الفلان و السكر الناعم و الزيت و البيضة و المكسرات حتى ينسجموا مع بعض, ثم نضيف الفرينة على مراحل و رشة الخميرة و نخلط حتى نتحصل على عجينة طرية جدا

 

نضع العجينة في قوالب السيليكون على شكل نجمة و نسويها جيدا ثم نضعهم في صينية و ندخلهم للفرن على 180 درجة حتى يطيبوا ثم نتركهم يبردوا تماما قبل التزيين

 

نخلط مربى المشمش مع ملون احمر ثم نضعهم في كيس حلواني بفتحة صغيرة جدا و نملئ به فراغات الحلوى, ثم نذوب شوكولا في حمام مائي و نملئها في كيس حلواني بنفس الشكل و نعمل بها خطوط فوق الحلوى

و التزيين يبقى دائما اختياري

بالصحة و الهنا

صابلي بالعسل

المقادير:

• 1 كأس مارغرين ذائبة
• 1/2 كأس عسيلة
• 1 خميرة الحلويات
• فرينة
• مقادير التزيين:
• كوكاو محمص و مطحون
• مربى المشمش
• شوكولا

طريقة التحضير:

نخلط جيدا المارغرين الذائبة مع العسيلة، ثم نضيف الفرينة (على دفعات) و خميرة الحلويات و نخلط حتى نتحصل على عجينة طرية

نفتح العجينة بين كيسين بلاستيكيين حتى يصبح سمكها متوسط، ثم نقطع حبات الحلوة و نضعهم في صينية و ندخلها للفرن على 180 درجة حتى تاخذ لون ذهبي، ثم نتركها تبرد تماما قبل نزعها من الصينية، ثم نلصق كل 2 حبات مع بعض بالمربى

نذوب الشوكولا في حمام مائي ثم نضعها في قوالب الفراشات و ندخلها الثلاجة حتى تجف

ندهن حبات الحلوة بالمربى من الاعلى ثم نلصق عليها فراشة الشوكولا في الجانب ، ثم نرش الكوكاو المحمص و المطحون في الفراغ المتبقى، و التزيين يبقى دائما اختياري

بالصحة و الهنا

صابلي بالمربى و المكسرات بدون بيض 

المقادير:

• 250غ مارغرين
• 1 كأس سكر ناعم
• 1 م ص فانيليا
• 1 كأس مربى
• مكسرات
• 1 خميرة الحلويات
• فرينة

طريقة التحضير:

نخلط جيدا المارغرين طرية مع السكر الناعم و الفانيليا، ثم نضيف الفرينة (على دفعات) و الخميرة و نخلط حتى نتحصل على عجينة طرية

نفتح العجينة في صينية فرن فيها ورق طهي حتى تأخذ كامل حجم الصينية، ثم ندهن العجينة بالمربى و نغطيها بالمكسرات، ثم نقطع الحلوى و ندخلها للفرن ساخن مسبقا على 180 درجة مئوية حتى تستوي

لما نخرجها من الفرن و هي ساخنة نعيد تقطيعها في نفس خطوط التقطيع الاولى، ثم نتركها تبرد تماما قبل نزعها من الصينية

بالصحة و الهنا

صابلي الحجاج 

المقادير:

• 250غ مارغرين طرية
• 2 صفار بيض
• 1 كأس سكر ناعم
• 1 كأس نشاء
• 1/2 كأس كوكاو محمص و مطحون
• 1 ملعقة كبيرة نيسكافيه
• 1 ملعقة صغيرة عطر الكراميل
• 1 خميرة الحلويات
• فرينة
• للتزيين:
• مربى
• حلوة الترك
• شوكولا
• ملمع غذائي (ناكري) برونزي

طريقة التحضير:

نشعل الفرن يسخن على 180 درجة قبل بداية العمل

نخلط جيدا المارغرين مع صفارالبيض و السكر الناعم و النيسكافيه و عطر الكراميل و الكوكاو حتى ينسجموا مع بعض ثم نضيف النشاء و نواصل الخلط ثم نضيف الفرينة و خميرة الحلويات و نستمر في الخلط حتى نتحصل على عجينة طرية و غير لاصقة

نضع العجينة فوق كيس بلاستيكي ثم نغطيها بكيس اخر و نفتحها بالحلال حتى نتحصل على السُمك المطلوب ثم نطبعها بطابع شكله حسب الرغبة ثم نضعها في صينية فيها ورق طهي و ندخلها للفرن حتى تستوي 

للتزيين نقطع و نذوب الشوكولا في حمام مائي و نملئها في قوالب مكتوب فيها الحج ثم نضعهم في الثلاجة حتى يبردوا جيدا, بعد ذلك ننزعهم من القالب و ندهنهم بالناكري (ملمع غذائي) لون برونزي باستعمال اسفنجة

نخلط جيدا كمية من المربى مع حلوة الترك حتى يصبح كريمة ثم نلصق كل حبتين حلوى مع بعض باستعمال الكريمة ثم نتركهم يجفوا قليلا

ندهن اطراف حبات الحلوى بالمربى ثم نغطسهم في كوكاو محمص و مطحون

ثم ندهن حبة الحلوى من الاعلى في الوسط بالمربى و نلصق فيها الميدالية او الشوكولا المكتوب فيها كلمة حج و نضعه في صينية و نتركهم حتى يجفوا

بالصحة و الهنا

صابلي مزين بالشوكولا 

المقادير:

• 250غ مارغرين طرية
• 1 كأس سكر ناعم
• 1 كأس نشاء
• 1 حبة بيض
• 1 صفار بيض
• 1 م ص خميرة الحلويات
• 1 م ص فانيليا
• شوكولا
• مربى
• جوز الهند
• فرينة

طريقة التحضير:

 

نخلط جيدا المارغرين مع السكر الناعم و البيض و صفار البيضة و المنكه ذوق بندق او الفانيليا و النشاء حتى يصبح الخليط كريمي، ثم نضيف الفرينة و خميرة الحلويات و نخلط حتى نتحصل على عجينة طرية

 

نفتح العجينة بسمك متوسط بين كيسيين بلاستيكيين، ثم نقطع حبات الصابلي بالطابع و ندخلهم للفرن على 180 درجة حتى يطيبوا

 

نذوب الشوكولا في حمام مائي ثم نضعها في القوالب الخاصة (ملعقة صغيرة في كل قالب) ثم نضعها في الثلاجة لمدة 15 دقيقة حتى تجف ثم ننزعهم من القوالب و نستعملهم في التزيين

 

نلصق كل حبتين من الصابلي مع بعض باستعمال المربى ثم نضغط حتى يخرج المربى من الاطراف ثم نغمسه في جوز الهند، ثم ندهن وجه حبة الصابلي بقليل من المربى و نلصق فوقها الشوكولا

بالصحة و الهنا

ملاحظة: يجب ان يكون طابع الصابلي ملائم لقالب الشوكولا في الحجم

صابلي رائع

المقادير:

• 125غ مارغرين طرية
• 1 حبة بيض
• نصف كأس سكر ناعم
• نصف كأس زيت
• نصف كيس خميرة الحلويات
• 1 ملعقة صغيرة فانيليا
• فرينة
• مربى المشمش

طريقة التحضير:

• نخلط جيدا بالخلاط الكهربائي او باليد المارغرين مع السكر الناعم و الزيت و البيض و الفانيليا حتى تندمج كل المكونات
• نضيف قليل من الفرينة و خميرة الحلويات و نخلط بأصابع اليد نواصل اضافة الفرينة على دفعات مع الاستمرار في الخلط بدون عجن حتى نتحصل على عجينة طرية لا تلتصق في اليد
• نضع كيس بلاستيكي على طاولة العمل و نضع فوقه كمية من العجين نرشها بقليل من الفرينة و نغطيها بكيس بلاستيكي و نفتحها بالحلال حتى نتحصل على الارتفاع المطلوب
• نقطع العجين بالطوابع الخاصة بالصابلي و نضعها في صينية الفرن حيث نتحصل على صف حبات مغلوقين و صف حبات مفتوحين
• ندخلهم للفرن على 180 درجة حتى ينضجوا
• للتزيين نرش حبة مفتوحة بالسكر الناعم ثم نأخذ حبة مغلوقة نضع في وسطها المربى ثم نضع فوقها الحبة المفتوحة المرشوشة بالسكر الناعم
• للتزيين بجوز الهند او الكوكاو ندهن وجه الحبة المفتوحة بالمربى ثم نضع الوجه المدهون في الكوكاو او جوز الهند ثم نأخذ حبة مغلوقة نضع في وسطها المربى و نضع فوقها الحبة المفتوحة

صابلي يذوب في الفم

المقادير:

• 250غ مارغرين طرية
• 2 حبات بيض
• 1 كأس سكر ناعم
• نصف كأس زيت
• 1 خميرة الحلويات
• فانيليا
• فرينة
• مربى المشمش

طريقة التحضير: 

نشعل الفرن يسخن على 180 درجة قبل بداية العمل

نخلط جيدا المارغرين مع البيض و الزيت و السكر الناعم مغربل و الفانيليا حتى يندمجوا مع بعض

نضيف كمية من الفرينة و كيس خميرة الحلويات و نواصل الخلط

نستمر في اضافة الفرينة على دفعات مع الاستمرار في الخلط حتى نتحصل على عجينة طرية غير لاصقة في اليد

نضع العجينة فوق كيس بلاستيكي مرشوش بقليل من الفرينة و نرشها هي كذلك بقليل من الفرينة و نغطيها بكيس اخر ثم نفتحها بالحلال حتى نتحصل على سمك متوسط

نطبع حبات الصابلي و نضعهم في صينية فرن فيها ورق طهي 

ندهن حبات الصابلي بقليل من المربى و نضع فوق كل حبة صابلي مغلقة و مدهونة بالمربى حبة صابلي مفتوحة من الوسط

ندخلهم للفرن على 180 درجة حتى يحمروا قليلا

نتركه يبرد جيدا ثم نقوم بتزيينه

التزيين يبقى اختياري 

و بالصحة و الهنا 

خبزه الصابلي السريعة

المقادير:

• 125غ مارغرين طرية
• 1 حبة بيض
• 1/2 كأس سكر ناعم
• 1 م ص فانيليا
• 1/2 كيس خميرة الحلويات
• فرينة
• شوكولا و جوز الهند للتزيين

طريقة التحضير:

نخلط جيدا المارغرين مع السكر الناعم مغربل و البيضة و الفانيليا حتى ينسجموا

نضيف الفرينة و خميرة الحلويات مغربلين و نواصل الخلط

نستمر في اضافة الفرينة على دفعات مع الاستمرار في الخلط حتى نتحصل على عجينة طرية و غير لاصقة

نضع العجينة في صينية فرن فيها ورق طهي و نفتحها على شكل مستطيل حتى نتحصل على السمك المطلوب

ندخلها للفرن مسخن مسبقا على 180 درجة حتى تطيب و تأخذ لون ذهبي فاتح

نذوب نصف علبة شوكولا في حمام مائي ثم نزين بها وجه الحلوى قبل ان تبرد

نرشها بقليل من جوز الهند و نتركها تبرد ثم نقطعها بالشكل المطلوب

بالصحة و الهنا

صابلي بالسمن 

المقادير:

• 1 كأس سمن طري
• 3/4 كأس سكر ناعم
• 1 كأس نشاء
• 2 بيض
• 1 خميرة الحلويات
• 1 م ص فانيليا
• فرينة
• مربى المشمش

طريقة التحضير:

 

نخلط جيدا السمن مع السكر الناعم و البيض و الفانيليا ثم نضيف النشاء و نواصل الخلط، ثم نضيف الفرنية (على دفعات) و خميرة الحلويات و نخلط حتى نتحصل على عجينة طرية

 

نفتح العجينة بين كيسين بلاستيكيين ثم نغطس الطابع في الفرينة و نقطع به حبات الحلوة، ثم نضعهم في صينية فيها ورق طهي و ندخلهم للفرن ساخن على 180 درجة حتى يأخذوا لون ذهبي

 

نلصق كل قطعتين مع بعض باستعمال المربى، و كذلك نملئ الفراغات بالمربى ثم نتركهم حتى يجفوا

بالصحة و الهنا

حلوة الدوامة ( صابلي بريستيج )

المقادير:

• 250غ مارغرين
• 3 م ك جلجلان محمص
• 1 بيض
• 1 صفار بيض
• 1 كأس سكر ناعم
• 1 م ص فانيليا
• 5غ خميرة كيميائية
• فرينة

طريقة التحضير:

 

نخلط جيدا المارغرين طرية مع السكر الناعم و البيضة و صفار البيضة و الجلجلان و الفانيليا، ثم نضيف الفرينة (تدريجيا) و الخميرة الكيميائية و نخلط حتى نتحصل على عجينة طرية

 

نفتح العجينة فوق كيس بلاستيكي ثم نقطعها دوائر و نضعهم في صينية فيها ورق طهي، ثم ندخلهم للفرن على 180 درجة حتى يطيبوا

 

نقطع شوكولا خاصة بالغلاصاج قطع صغيرة و نذوبها في حمام مائي، ثم نملئها في قوالب الدوامة و ندخلها للثلاجة حتى تبرد، ثم ننزعهم من القوالب

 

نلصق كل قطعتين حلوة مع بعض بالمربى و ندهن به الاطراف ثم نمررهم في الجلجلان، ثم ندهن الحلوة من الاعلى بالمربى و نلصق فيها الشوكولا

نزينها بكريات ذهبية صغيرة و اوراق الورد و التزيين يبقى دائما اختياري

بالصحة و الهنا

المصدر

مشاركة

عننا مدونة الطبخ