7 وصفات للمقروط الناجح لأم وليد
مقروط المقلا
المقادير:
- 2 كأس فرينة
- 2 كأس سميد خشن
- 1 كأس مارغرين او زبدة ذائبة
- ماء الزهر
- الغرس او عجينة التمر
- 2 ملعقة كبيرة زيت
- ملح
- عسيلة ثقيلة
طريقة التحضير:
- نخلط السميد مع الفرينة و قليل من الملح ثم نضيف الزبدة الذائبة باردة و نواصل الخلط
- ثم نتركها ترتاح
- ننضف الغرس جيدا ثم نضيف له الزيت نعجنه قليلا ثم نضيف له ماء الزهر و نواصل الخلط مع اضافة ماء الزهر حتى نتحصل على عجينة طرية
- في وعاء ثاني نضع قليل من عجين السميد مع الفرينة و نفتحه قليلا باليدين ثم نضيف له خليط ماء الزهر مع الماء و نخلط بالأصابع بدون عجن حتى تتشكل عندنا عجينة
- نضع كيس بلاستيكي على طاولة العمل نضع فوقه العجين و نشكله على شكل حربوش او واد و نضع في وسطه عجين الغرس على شكل انبوب ثم نغلق عليه و نقوم بطيه باستخدام الكيس البلاستيكي
- باستخدام السكين نقطع حبات المقروط و نقوم بتنقيش كل حبة باستخدام النقاش
- نعيد نفس العملية مع كل كمية العجين
- نسخن الزيت في مقلاة على النار و نقلي حبات المقروط من الجهتين
- بعد ما يتحمر جيدا ننزعه من المقلاة و نغطسه مباشرة في العسيلة و نتركه لأطول فترة ممكنة ثم نقوم بتصفيته من العسيلة و نضعه في القوالب الورقية
مقروط السنيوة بمقادير مضبوطة و نتيجة مضمونة
المقادير:
- صينية 30X24 سم
- مقادير الحشو:
- 500غ كوكاو محمص و مطحون
- لكل 3 كيلة كوكاو 1/2 كيلة سكر
- ماء الزهر
- مقادير العجينة:
- سميد متوسط
- 1 كأس ماء الزهر
- 1/2 كأس فرينة
- 3/4 كأس زبدة او سمن ذائب
- 1/4 كأس زيت
- 1 م ص خميرة الحلويات
طريقة التحضير:
لتحضير الحشو نخلط الكوكاو مع السكر جيدا ثم نضيف ماء الزهر (على دفعات) و نخلط حتى يصبح الخليط متماسك نوعا ما ثم نتركه يرتاح
لتحضير العجينة نخلط جيدا ماء الزهر مع الزبدة و الزيت و الملح و الفرينة, ثم نضيف السميد (على دفعات) و خميرة الحلويات و نخلط بدون عجن حتى نتحصل على عجينة طرية
نضع نصف كمية العجينة كطبقة رقيقة في الصينية ثم نضع الحشو كطبقة فوق العجينة ثم نخبزه, ثم نفتح باقي العجينة فوق ورق الطهي حسب قياس الصينية ثم نقلبها فوق الصينية و نسويها جيدا
ثم نقطع الحبات مقروطات او مربعات و نزينهم حسب الرغبة بالنقاش و اللوز ثم ندخله للفرن ساخن مسبقا على 180 درجة مشعول من الاسفل حتى يطيب ثم نشعله من الاعلى حتى يأخذ لون احمر فاتح
بعد ما نخرجه من الفرن مباشرة و هو ساخن نسقيه بـ 750غ عسيلة مخلوطة مع قليل من ماء الزهر ثم نتركه يتشرب لليلة كاملة قبل اعادة تقسيمه بالسكين
بالصحة و الهنا
مقروط الرولي بالتمر معسل
المقادير:
- مقادير الحشو:
- تمر (الغرس)
- 2 م ك زيت
- ماء الزهر
- مقادير العجينة:
- 2 كأس سميد متوسط
- 1 كأس زبدة او سمن ذائب
- 2 كأس فرينة
- ماء و ماء الزهر
- ملح
- عسيلة
طريقة التحضير:
لتحضير نقي الغرس من اي زوائد يابسة ثم نضيف له الزيت و ماء الزهر و نعجنه ثم نواصل اضافة ماء الزهر على دفعات مع الاستمرار في العجن حتى يصبح عجينة طرية
نخلط السميد مع الفرينة و قليل من الملح ثم نضيف الدهون الذائبة و نواصل الخلط حتى ينسجموا مع بعض ثم نترك الخليط يرتاح قليلا و نفتحه باليد, بعد ذلك نخلط الماء مع قليل من ماء الزهر و نرش الخليط على فترات مع الاستمرار في الخلط و الجمع بدون عجن حتى نتحصل على عجينة
نضع كيس بلاستيكي على طاولة العمل ثم نضع فوقه التمر او الغرس و نغطيه بكيس بلاستيكي اخر و نفتحه بالحلال على شكل مستطيل حتى نتحصل على طبقة رقيقة
نضع كيس بلاستيكي اخر على طاولة العمل نضع فوقه العجينة ثم نفتحها بالحلال على شكل مستطيل
نضع الغرس فوق العجينة ثم ننزع الكيس البلاستيكي
ثم نلوي او نرولي العجينة مع الغرس باستعمال الكيس الموجود تحت العجينة
بعد ما نروليه جيدا نفتح الكيس البلاستيكي ثم نقطع حبات المقروط على شكل دائري باستخدام سكين مسنن و نخبز الحبات قليلا باليد حتى تأخذ الشكل المطلوب
نقلي حبات المقروط في زيت ساخن على نار متوسطة و نقلبه من حين الى اخر حتى يستوي من الجهتين و يأخذ لون ذهبي
ننزعهم من الزيت و نضعهم مباشرة في عسيلة ثقيلة و باردة و نتركه فيها لمدة 15 دقيقة على الاقل
بالصحة و الهنا
مقروط في الفرن بالعجينة السحرية
المقادير:
- 1 كأس سمن طري
- 1 كأس زيت
- 1 كأس ماء الزهر
- 2 كأس فرينة
- سميد خشن
- 1 خميرة الحلويات
- غرس او عجينة التمر
- عسيلة
طريقة التحضير:
نخلط السمن مع الزيت و ماء الزهر جيدا ثم نضيف الفرينة و خميرة الحلويات و نخلط، نضيف السميد (بدفعات) و نخلط حتى نتحصل على عجينة متماسكة
في وعاء ثاني ننضف الغرس جيدا من اي زوائد، ثم نضيف 2 ملعقة كبيرة زيت و قليل من ماء الزهر و نقوم بعجنه حتى يصبح طري، ثم نقوم بتشكيله على شكل حربوش او انبوب
نرش طاولة العمل بالفرينة و نأخذ كمية من العجين نشكله و نصنع فراغ في وسطها و نضع في ذلك الفراغ حربوش الغرس او عجينة التمر و نغلق عليه جيدا، نشكل انبوب و نطبعه من الاعلى، ثم نقص حبات المقروط
نضعهم في صينية و لا نترك مسافة بين كل قطعة و اخرى، ثم ندخله للفرن مسخن مسبقا و نشعله من الاسفل فقط حتى تحمر الحبات من الاسفل ثم نشعله من الاعلى حتى يطيب
بعد ما يطيب و يبرد المقروط، نسخن العسيلة قليلا ثم نغطسه فيها اول مرة ثم نضعه في الكسكاس لكي يقطر، ثم نعسله مرة اخرى قبل التقديم
بالصحة و الهنا
مقروط الطابع مرمل مع كل اسرار نجاحه
المقادير:
- مقادير العجين:
- 3 كيلة سميد متوسط
- نصف كيلة فرينة
- كيلة الا ربع مارغرين ذائبة
- ربع كيلة زيت
- ملح
- مقادير الحشو:
- 3 كيلة كوكاو محمص و مطحون
- نصف كيلة سكر
- ماء الزهر
- قرفة
- عسيلة
طريقة التحضير:
انا استعملت في القياس الكأس المعتاد (240ملل) لكن انتم يمكنكم استعمال الكيلة او القياس الذي يساعدكم
كيلة الى ربع المارغرين الذائبة اخلطها مع ربع كيلة زيت في نفس الكأس
نبدأ في طريقة التحضير و نخلط السميد مع الفرينة و قليل من الملح
ثم نضيف خليط المارغرين و الزيت و نواصل الخلط ثم نحكه او نحبكه بين اليدين لمدة 15 دقيقة لكي يتشرب السميد كل الدهون
ثم نغطيه بكيس بلاستيكي و نتركه يرتاح لمدة ليلة كاملة او 24 ساعة
لتحضير الحشو نخلط الكوكاو المحمص و المطحون رقيق مع السكر و القرفة
ثم نضيف ماء الزهر و نواصل الخلط حتى يصبح الخليط يتماسك
بعد ما يرتاح السميد أعيد فتحه باليدين ثم اخلط نصف كأس ماء مع نصف كأس ماء الزهر
نرش السميد بكمية من ماء الزهر المخلوط بالماء و نخلط باصابع اليد فقط بدون ان نعجن الخليط
اواصل اضافة الماء على دفعات صغيرة مع الاستمرار في الخلط حتى يتجمع عندنا السميد
نأخذ كمية من العجين و نشكلها على شكل دائري ثم نضع وسطها كرية من الحشو ثم نغلق عليها جيدا
ثم نضعها داخل الطابع او القالب و نضغط عليها حتى تأخذ شكل الطابع
ثم نخرج حبة المقروط من الطابع و نضعها في صينية فرن فيها ورق طهي
ندخل الصينية للفرن مسخن مسبقا على 190 الى 200 درجة نشعله من الاسفل فقط حتى يطيب ثم نشعله من الاعلى حتى يحمر قليلا
و يجب عدم ترك المقروط لمدة طويلة في الفرن لانه يتيبس
بعد ما نخرجه من الفرن و هو ساخن نعسله للمرة الاولى في عسيلة ثقيلة بدون اي اضافات ثم نضعه يقطر في الكسكاس
نعسله مره ثانية قبل التقديم و التزيين يبقى اختياري
بالصحة و الهنا
مقروط بالتمر و الجلجلان
المقادير:
- 3 كأس سميد متوسط
- 1 كأس زيت
- ماء الزهر
- غرس
- عسيلة
- ملح
طريقة التحضير:
- نخلط جيدا السميد مع قليل من الملح و كأس زيت
- نجمع العجين بماء الزهر عن طريق الخلط باصابع اليد بدون عجن
- نعجن الغرس بماء الزهر و الزيت حتى يصبح طري
- نضع كيس بلاستيكي على طاولة العمل نضع فوقه كمية من العجين و نشكل كمية من الغرس على شكل حربوش و نضعه في وسطه
- نغلق العجينة على الغرس باستخدام الكيس ثم نقطع المقروط حبات صغيرة
- نسخن الزيت جيدا ثم نقلي فيها المقروط حتى يحمر جيدا
- ننزعه من الزيت و نضعه مباشرة في عسيلة باردة و نتركه يتشرب جيدا
- نضعه في طبق التقديم و نرشه بالجلجلان
مقروط الكوشة مرمل يذوب في الفم ناجح 100/100
المقادير:
- 2 كيلة سميد متوسط (الخاص بالمقروط)
- 1 كيلة دهون (سمن و زبدة او سمن و زيت)
- 1 كيلة فرينة
- 1 م ك سكر
- عجينة التمر (الغرس)
- ماء الزهر
- عسيلة
طريقة التحضير:
نخلط جيدا السميد مع الفرينة و قليل من الملح و السكر، ثم نضيف السمن ذائب و نحك و نخلط جيدا، ثم نغطيه بكيس بلاستيكي و منشفة مطبخ و نتركه يرتاح ليلة كاملة، نفتح او نخلط الخليط مرة اخرى
ننضف عجينة التمر جيدا ثم نضيف لها حوالي 2 ملعقة كبيرة زيت، و نضيف ماء الزهر (على دفعات) و نخلط حتى نتحصل على عجينة طرية
نأخذ كمية من عجينة السميد و نضيف الماء (على دفعات) و نخلط حتى يتماسك الخليط، ثم نشكل انبوب فوق كيس بلاستيكي و نشكل فتحة في وسطه، ثم نضع انبوب عجينة التمر في الفتحة و نغلق عليه، ثم نسوي العجينة جيدا على شكل انبوب بمساعدة الكيس البلاستيكي
نمرر عليه قطاعة العجينة لكي يصبح أملس، ثم نزينه من الاعلى بطابع المقروط، ثم نقطع الحبات بالسكين، ثم نقوم بتسويتهم جيدا و نزينهم مرة أخرى بظهر السكين، ثم ندخلهم للفرن مسخن مسبقا على 180 درجة و نشعله من الاسفل فقط حتى يحمروا من الاسفل ثم نشعله من الاعلى حتى يحمروا كذلك من الاعلى
نخلط العسيلة باردة مع قليل من ماء الزهر، ثم نعسل بها المقروط (ساخن)، ثم نضعهم في الكسكاس يقطروا، ثم عند التقديم نعسله مرة اخرى
0 التعليقات :
إرسال تعليق